رد فعل صادم لمريض حاول تدخين سيجارة بعد عملية قلب مفتوح (صور)

بوابة فيتو منوعات

صورة الخبر

تداول مستخدمو موقع التواصل الاجتماعى "فيس بوك" صورا لمدخن يروي أصعب ما في تجربته مع التدخين.

نشر رجل يدعى "أمجد العوادي" صورا لصدره بعد خضوعه لعملية قلب مفتوح بسبب التدخين، لكن وبالرغم من ذلك وجد نفسه ما زال يميل إلى التدخين، لكنه عاد ليتذكر ما عاناه بسبب السجائر فاضطر للتراجع وكتب رسالة إلى المدخنين عبر "فيس بوك" قائلا:

"بعد عملية قلب مفتوح وجلطة وتغيير شرايين وبرضوا مصمم إنى بحب السجاير، وخبيت علبة سجاير من وراهم في البيت، قلت لو طلبت منهم سيجارة اكيد كله ح يرفض، وجاءت لحظة إن عاوز أجرب سيجارة بعد كل ده بمبدأ إن محدش يلوي ذراعي وأبطلها بمزاجي وبإرادتي".

وأضاف: "وجات لي الفرصة كله برا البيت وطلعت سيجارة اشربها وبعد أول نفس وتاني نفس لقيت مالهاش أي طعم وافتكرت أيام لما كنت بقوم من النوم على سيجارة وفنجان القهوة والتاني والتالت علشان أفوق.. وافتكرت أيام لما كنت بقعد أكح لحد ما نفسي بيسلك افتكرت أيام رمضان وقلة المزاج فترة الصيام، وريحة هدومي وبؤي (فمي) إيه القرف اللي كان الواحد فيه ده".

واستطرد: "تلاتين سنة كنت بعذب نفسي وأنا مش دريان واخدت قرار دغدغت العلبة بكامل إرادتي وأنا ندمان على كل يوم شربت فيه نفس دخان بصرف النظر عن المبالغ اللي كانت بتندفع فيها للأسف اكتشفت إني لو حوشت كام شهر يكفي تمن رحلة عمرة".

وقال: "أنصح كل أصحابي ياخد القرار ده بمزاجه وبكامل إرادته بدل الرحلة اللي كلفتني كتير قوي من صحتي وعافيتي".

التعليقات


الأخبار الاكثر مشاهدة

أحدث الأخبار